O movemento veciñal proclama un estilo de vida concreto, un estilo no que a preocupación polo contorno é unha constante, a preocupación por mellorar a calidade de vida de cada veciño e veciña, desde aspectos como a saúde ou o consumo ata cuestións como arranxo de beirarrúas ou a limpeza de cunetas. Detalles que van sumando e facendo posible unha cidade máis habitable.

É por todo isto polo que a FAVEC ten como meta promover o movemento veciñal e consolidalo como eixo vertebrador do tecido asociativo da cidade.

Esta promoción do movemento veciñal vai desde a optimización de recursos ata a formación específica ou o asesoramento especializado. A promoción veciñal é a que posibilita que o movemento veciñal de Vigo poida levar a cabo accións e campañas conxuntas en beneficio da veciñanza.

Obxectivos

• Facilitar a formación continua dos directivos veciñais.
• Consolidar o movemento veciñal como un referente de compromiso e acción.
• Optimizar os recursos existentes en beneficio das asociacións e os seus asociados-as.
• Liderar campañas de presión conxuntas.
• Unificar criterios de traballo.
• Ofertar calidade nas nosas propostas.

Responsables de Área

• Elena González Sánchez
• Xosé Couñago Ribeira
• Dolores Casariego Lois

Actuacións

• Axudas e subvencións
• Formación
• P.A.V. (Plan de Acción Veciñal)
• Programa Contable